مذكرة تأسيس لغة المانية المستوي A1

مذكرة تأسيس لغة المانية الصف الاول الثانوي والمستوي A 1

https://drive.google.com/file/d/1Q3q3rhdD0nJQo0QGpkRT9Q4et-RgWzjD/view?usp=drivesdk

مذكرة علوم الصف الثالث الاعدادي الترم الاول

تحميل مذكرة علوم الصف الثالث الاعدادي الترم الاول 2021 

مذكرة بها شرح وافي للمنهج وأسئلة وتدربيات هامه جدا 

ا

ضغط علي اللينك بالاسفل لتحميل المذكرة من جوجل درايف

https://drive.google.com/file/d/1Pll0Fqwna1fu-MyvpnlaSp2OWK67SMvo/view?usp=drivesdk

مشاكل الشعر والبشره والعلاج الامثل لهما

موضوع مهم جدا نقلا عن دكتور هاني الناظر

أ- مشاكل الشعر :

---------------

١- امتي اقول اني بعاني من  مشكلة سقوط شعر مرضية  ؟

اذا وجدت يوميا علي المخدة الصبح اكثر من ١٢٠شعرة لان هذا يعني ان الشعر يتساقط  تلقائيا دون اي شد  .. طيب والشعر اللي بيقع في المشط والفرشاة وأثناء الغسيل ؟ لا خوف منه لانه بيقع علشان يطلع جديد مكانه ..

٢- اذن ماهو العلاج المناسب لسقوط الشعر ؟ 

كبسولات رويال فيت جى  واحدة بعد الافطار يوميا من شهرين لثلاثة ومعاها حمامات زيت مكونة من خليط متساوي من زيت اللوز الحلو وزيت الزيتون وزيت الجزر وزيت السمسم لتدليك فروة الرأس والشعر مرتين اسبوعيا  .

٣- طيب ايه احسن شامبو ؟ 

كل انواع الشامبو تصلح ولكن في الانواع الجيدة الآتية شامبو تريتو أو سترونج فيل أو شامبو بروتى كير أو هير ميكس شامبو ...

٤- واحسن حاجة للشعر الهايش ايه ؟

سترونج فيل كريم أو مارفيل كريم أو زيرو فريز سيرم .. .

٥- وقشرة الشعر نعمل فيها ايه ؟ 

كل ما نغسل شعرنا ندهن فروة الرأس باي نوع من انواع شامبوهات القشرة ونتركه علي فروة الرأس حوالي عشر دقائق وبعدين نشطفه ؟ ممكن شامبو داندل  .

٦- هل كل كريمات فرد الشعراللي فيها كراتين او بروتين او كولاچين او غيرها فعلا خطيرة ؟

ايوة خطيرة جداً علي الصحة والشعر والجلد وممكن تأثيرها يبان بعد ثلاث او اربع مرات .. حتي لوكانت زيرو فورمالين ؟ نعم حتي لو كانت زيرو فورمالين .. طيب والنوع البرازيلي للفرد بيقولوا آمن ومش خطير ؟ البرازيلي زي الهندي زي الامريكاني كله خطير  ضار علي الشعر ؟ طيب نعمل ايه علشان نفرد الشعر ؟ ممكن السشوار ولكن  بمعدلات قليلة ..

٧- هل يوجد علاج للصلع الوراثي ؟ للاسف لايوجد علاج دوائي لسقوط الشعر 

ب-  مشاكل البشرة :

-----------------

١- ممكن كريم  ايه كويس لترطيب  البشرة ؟

براكسون كريم أو ماندو كريم 

٢-  وواقي للشمس يناسب انواع البشرة المختلفة ؟ 

ممكن بوباى وفي منه للبشرة الدهنية وفي للبشرة الجافة او انفنيتى SPF 50 أو جليكس 50

٣-وايه كريم كويس لتفتيح البقع الغامقة في الوجه او اي اماكن في الجسم غامقة بما فيها الاماكن الحساسة وتحت الإبط والركب وغيرها ؟

ممكن ستار فيل كريم تفتيح أو فلير كريم تفتيح أو لت أب كريم ...

٤- طيب ممكن كريم للهالات تحت العين ؟ 

فيردكس آى كنتور

٥- وايه افضل علاج للنمش ؟

الليزر هو العلاج الأمثل للنمش

٦- ..طيب هل يوجد فعلا كريم يمنع ظهور التجاعيد زي ما بنشوف في الإعلانات ؟

كلام غير حقيقي للاسف ولا يوجد شئ يمنع ظهورها ولكن يوجد علاجات لها زي البوتوكس والفيللرز

٧- طيب ايه حل مشكلة كعب القدمين الجاف واللي بيشقق خصوصا في الشتاء ؟ 

دهان يوميا مساء ب كارباميد ..

٨- سؤال كمان  التينيا اللي بتيجي في الأظافر خصوصا أظافر القدم وبتعمل لون اخضر علاجها ايه ؟

ندهن الأظافر مرتين يوميا بسائل كانستين أو باترافين لمدة أربعة أشهر  ..

٩- طيب نعمل ايه للوقاية من الحساسية اللي بتيجي في الايدين نتيجة صابون الغسيل ونعالجها ازاي ؟

لازم جوانتي اثناء الغسيل ولعلاجها ندهن بكريم تاروليمس مرتين يوميا ..

١٠-هل الصابون الذي يحتوي علي مواد مطهرة مثل الكبريت او الديتول او الفينيك خطر صحيح علي الجلد ؟

ايوة خطر جداً ..

١١-طيب ايه افضل صابون للاستحمام ؟

صابونة الجلسرين وخاصة اصحاب البشرة الحساسة ..

١٢- سؤال ايه احسن غسول للوجه يمنع ظهور حبوب الشباب وينظف الرؤوس السوداء ؟ 

نغسل الوجه صباحا ومساء بغسول يوضع علي الجلد لمدة دقيقة واحدة ثم يشطف من

ساينوبار فشيال ووش أو ستار فيشيال ووش أو ناترى فيشيال ووش أو أكرين منظف ...

١٣- سؤال كمان ايه احسن علاج موضعي لحبوب الشباب نفسها ؟

ممكن ستار فيل كريم أو أكرين كريم أو اكنيروكسيد جيل أو الترا ميكس كريم .. ويوضع كدهان فقط للحبوب وليس للوجه مساء يوميا بعد غسول الوجه بساعة علي الاقل ولو كان الحبوب فيها صديد ناخد كبسولات دالاسيى سى 300 واحدة  صباحا وواحدة  مساء  مع العلاج الموضعي

١٤- علاج التينيا بين أصابع القدم او اليدين ؟ 

كريم دكتاكورت 

١٥ سيرم للعناية بالبشرة ؟

كولاجين سيروم

16- ماهو علاج المسام الواسعة والشعر الابيض ومشكلة جلد الوزة التي تصيب البعض ؟

الاجابة للاسف لايوجد علاج لاي منهم .. 

التكرار القهري

ليه الإنسان مش بيتعلم من غلطه ؟

ليه بنكرر نفس الغلطه مرات كتير جدا ؟

اينشتاين قال إن الجنون هو انك تكرار نفس الغلط  وتتوقع نتيجه مختلفه و أننا البشر مخلوقات العادة اي (بنحب العاده و التكرار)

بنحب الروتين (علاقات فاشله / زنقه امتحانات) و التصرفات المعتادة حتى لو عارفين أن ده هيتعبنا

بعد كده الدكتور سيجموند فرويد اتكلم وسمي الموضوع ده التكرار القهرى

وفي الآخر علم المخ والأعصاب الحديث فسر الموضوع ده وقال إن السبب هو مشكله نفسيه و مشكله عصبيه ليها علاقه بالمخ

المشكله النفسيه هى أن الشخص يفضل يكرر فى الموضوع او المشروع اللى عارف اصلا أنه غلط بس بيكرره عشان بيعتقد انه فى يوم من الايام الموضوع ده هيحصل بدون تعب وألم وكل مره بيقول لنفسه المره دى هتبقى مختلفه والموضوع يحصل صح

لكن المهم هنا هو الجزء الخاص بالمخ و علم الاعصاب وده هو اللى بيشرح السبب الرئيسي للمشكلة دى 

مثال سريع : 

زي مثلا زنقه الامتحانات ( زنقه الكلاب ) ديما معروف عن الطالب الجامعى أنه كل سنه بيقول هبدأ اذاكر من الاول واجتهد ولكن كل ترم يفضل يأجل فى المذاكره لحد ما يتفاجأ بأن الامتحانات بعد اسبوع!!

السر في كده انك لما تعمل أمر و تتعود عليه فبيبقى ليه مسار معين داخل المخ ..فلما تيجى تعمل حاجه جديده عن اللى اتعودت عليها فدماغك بيستسهل وبدل ما يدور على مسار جديد فى المخ ويستخدم اعصاب جديده بيستسهل و ياخد نفس المسار القديم و نفس الأعصاب اللى استخدمها قبل كده

معنى كده انك لو عايز تتخلص من التكرار القهرى أو عاده سلبيه هتحتاج تستخدم اعصاب جديده فى المخ!! وده الصراحه مش سهل ابدا.

ولكنه مش مستحيل.

ولو انت عايز تتعلم حاجه جديده او تكتسب عاده جديده. هنلاقى الموضوع صعب عشان هتستخدم أعصاب مختلفه ربما كمان م استخدمتهاش قبل كده !

الحل عشان تتغير و تبطل تكرر زنقة الامتحانات والعلاقات الفاشله وكل حاجة شبهه كده :

١/ اسمع لنصيحة اللى حواليك

٢/ متتسرعش فى قراراتك.. 

٣/ اعمل تغيرات بسيطه فحياتك يعنى مثلا ذاكر كل يوم محاضره عشان المحاضرات متتراكمش عليك.. 

بالرغم من ان التغيرات البسيطه هتبقى صعبه فى الاول بس المثل بيقول

practice makes perfect 🥳

مرض ‏البول ‏السكري ‏او ‏مرض ‏السكر

..مرض البول السكري او السكري بس او خلينا نقول مرض السكر .

قبل م نبدأ لازم نعرف ان عندنا هرمون الانسولين (بيطلع من خلايا إسمها بيتا في البنكرياس) ده المسئول انه ياخد سكر الجلوكوز من الدم يوديه لكل انسجه الجسم عشان يتحول هناك لطاقة تستخدمها الانسجه في عمليات مختلفه.. 

وزي م بنقول الاعداد مبتكدبش.. 

٤٤٠ مليون شخص جالهم مرض السكر في عام ٢٠١٧ وبيقولوا انه بحلول عام ٢٠٣٠ هيكون عدد المرضي بالسكر ٥٥٢ مليون شخص.. 

مصر من العشرة الأوائل في عدد اللي عندهم مرض السكر وكان عدد اللي عندهم سكر في ٢٠١٥.. ٨.١ مليون 

مرض السكر بيبقي عندنا مشكلة في هرمون الانسولين $/ وعندنا ٤ انواع من المرض ده :

١) النوع الاول (IDDM) ده بيمثل ٥% ل ١٠%.. والسبب ف النوع ده هو ان الجسم بيهاجم خلايا بيتا اللي في البنكرياس وبالتالي الانسولين مش هيطلع 😭😭 ولا هيقوم بدوره اللي فوق هناك ده 👆 والنوع ده بيبقي في الاطفال اكتر..

٢) النوع التاني ده بقي المشهور بيمثل حوالي ٩٠% ل ٩٥% وده شائع ف الكبار، ف النوع ده الانسولين موجود عادي وبيطلع من البنكرياس لكن خلايا الجسم بيكون عندها مقاومة للانسولين.. يعني الانسولين موجود بس مش بيقوم بوظيفته..

٣) النوع التالت ممكن يحصل مرض السكر بسبب مشكلة في الجينات او مع كبر السن، او بسبب مرض او عدوي معينه في خلايا البنكرياس، ومين عالم مهو ممكن يكون بسبب دواء معين او مادة كيميائية..

٤) النوع الرابع وهو ارتفاع نسبه سكر الجلوكوز في الدم اثناء فتره الحمل🤰..

$/عوامل بتساعد في حدوث مرض السكر:

١) كالعادة دايما زيادة الوزن وعدم ممارسة الرياضه او بذل مجهود بدني، برضه اكل السكريات كتير دي مشكلة...

٢) التدخين، مينفعش نكتب بوست طبي من غير نذكر التدخين، لان الاشخاص اللي بيدخنوا فرصة ان يجيلهم مرض السكر تذداد بنسبه ٤٥% عن الاشخاص اللي مش بيدخنوا.. 

٣) الضغط النفسي الكتير زي الاكتئاب وزيادة ضغط الحياة والمفرمه اللي احنا عايشين فيها ليها دور كبير ف الموضوع ده..

$/مشاكل خطيرة ممكن يسببها مرض السكر:-

١) ضعف الرؤية وممكن العمي ممكن يحصل بعد ١٥ سنة من المعاناة مع مرض السكر

٢) نسبه ٥٠% من المرضي بيحصلهم تلف في الاعصاب

٣) وفيه ٥٠% تاني بيبقو معرضين جدا انهم يتصابوا بامراض القلب والسكته الدماغية.

٤) حوالي ١٠ ل ٢٠% بيموتوا بسبب الفشل الكلوي الناتج عن مرض السكر..

$/ اخر نقطة عشان عارفكوا تعبتوا وانا برضه تعبت... ازاي نقلل فرصة اصابتنا بالسكر..

١) نشر الوعي بين الناس عن مرض السكر ونعمل توعيه حلوة كده زي البوست ده مثلا..

٢) نظبط يومنا واسلوب حياتنا، يعني نحاول نعمل مجهود بدني او رياضي بانتظام.. ولو فيه زيادة وزن او سمنه نعالجهم.

٣) نقلل التدخين علي قد م نقدر، ونعالج ضغط الدم ونتخلص من الضغط النفسي.

٤) لو حد اتصاب نعمل الفحوص اللازمة ومنكبرش دماغنا..